Yunanıstanın Müdafiə naziri Panos Kammenos Rusiyaya məxsus təyyarənin Türkiyə ərazisində deyil, Suriya ərazisində vurulduğunu açıqlayıb. SİA-nın xarici mətbuata istinadən verdiyi məlumata görə, nazir Türkiyənin bu həqiqəti bildiyini iddia edib.
O bildirib ki, əgər Rusiya təyyarəsi Türkiyə ərazisində vurulsaydı, bu zaman o, NATO-dan Şimali Atlantika Nizamnaməsinin beşinci maddəsinə əsasən hərəkət etməsini tələb edərdi.
Bu maddəyə əsasən NATO-ya üzv olan hər hansı bir ölkə hücuma məruz qalırsa, o zaman bu hücum bütün NATO üzvlərinə şamil olunmuş sayılır.
Nazir Yunanıstanın da NATO-ya üzv olan ölkələrdən biri olduğunu qeyd edib: "Əgər təyyarə Türkiyə ərazisində vurulsaydı, o zaman Yunanıstan Rusiyanın yox Türkiyənin yanında olardı. Lakin təyyarə Suriya ərazisində vurulub".
Bütün xəbərlər Facebook səhifəmizdə
USD
EUR
GBP
RUB