Portuqaliyada bu ay keçirilmiş parlament seçkilərində 50 faizdən artıq səs toplamış sol siyasi partiyalar birləşərək hazırkı sağ-mərkəzçi hakimiyyəti istefaya göndərməyə hazırlaşır. Ölkənin Sosialist, Kommunist partiyaları və sol blokun liderləri arasında keçirilmiş görüş bu qərarın qəbul edilməsi ilə yekunlaşıb.
Seçkilərdə sağ-mərkəzçi partiya ən çox səs toplasa da, bu, təkbaşına hakimiyyət qurmağa kifayət etməyib. Portuqaliya Prezidenti Anibal Kavaku Silva isə öz səlahiyyətindən istifadə edərək hökumətin qurulmasını məhz sağ-mərkəzçilərə həvalə etmişdi.
Sol siyasi təşkilatların hazırkı hökuməti istefaya göndərmək planı baş tutarsa ölkədə növbədənkənar parlament seçkiləri təyin olunacaq.
Bütün xəbərlər Facebook səhifəmizdə
USD
EUR
GBP
RUB