Çinin iki patrul gəmisi Cənub-Çin dənizindəki Senkaku adaları yaxınlığında Yaponiyanın ərazi sularına daxil olub. Yaponiya Sahil Mühafizəsinin nümayəndələri bildiriblər ki, hadisə oktyabrın 24-də yerli vaxtla səhər saat 10-dan sonra Uotsori adası yaxınlığında baş verib. Çin gəmilərinin təxminən iki saat həmin sularda qaldığı və günortadan sonra ərazini tərk etdiyi bildirilir.
Bu, oktyabrın 9-dan sonra Çin gəmilərinin Senkaku adaları yaxınlığında Yaponiya ərazi sularına daxil olduğu ilk hadisədir. Bundan əlavə, oktyabrın 24-ü cari ildə belə qayda pozuntularının qeydə alındığı 29-cu gündür.
Senkaku adaları Yaponiyanın nəzarəti altındadır. Yaponiya hökuməti məsələyə məhz həmin adaların yapon ərazisi olması mövqeyindən yanaşır. Çin və Tayvan da həmin adalara iddialıdırlar.
Bütün xəbərlər Facebook səhifəmizdə
USD
EUR
GBP
RUB