"Proqress M27-M" kosmik yük gəmisi böyük ehtimalla mayın 8-də orbitdən çıxacaq. Bu barədə ABŞ-ın strateji komandanlığının birləşmiş kosmik əməliyyatlar mərkəzi məlumat verib. Mərkəzin məlumatına əsasən "Proqress" mayın 8-də Bakı vaxtı ilə saat 18:30-da ABŞ-ın Sakit Okean sahilləri yaxınlığında Yerə düşəcək.
Roskosmos isə öz növbəsində kosmik yük gəmisinin mayın 5-7-si arasında atmosferə daxil olacağını, lakin düşəcəyi yerin müəyyən edilməsinin hələ tez olduğunu bildirib.
Xatırladaq ki, aprelin 28-də fəzaya buraxılan "Proqress M27-M" kosmik gəmisi qeyri-müəyyən səbəblərə görə hesablanmış orbitə daxil ola bilməyib. Bundan sonra onunla əlaqə itirilib və nəticədə kosmik gəmi nəzarətsiz halda Yerə doğru enməyə başlayıb.
Bütün xəbərlər Facebook səhifəmizdə
USD
EUR
GBP
RUB