Suriya müxalifəti Cisr əş-Şuqur rayonunun böyük hissəsində nəzarəti ələ keçirib. Anadolu informasiya agentliyi xəbər verir ki, müxalifət qüvvələrinin səhra komandirlərindən biri olan Əbu Kuteydə "Qələbə" kod adı altında aparılan əməliyyatlar nəticəsində Cisr əş-Şuqur rayonundakı hərbi postların, qənnadı fabrikinin və İdlib şəhərindəki bəzi strateji məntəqələrin Bəşər Əsəd ordusundan təmizləndiyini bildirib.
Onun sözlərinə görə, regionun böyük hissəsi müxalifətin nəzarətinə keçib. Rejim qüvvələrinin mənzil-qərargahı kimi istifadə olunan xəstəxana uğrunda isə ağır döyüşlər davam edir. Prezidentə sadiq qüvvələrin ağır itkilər verdiyi bildirilir.
Suriya ordusunun bölgədən tamamilə çıxarılması məqsədi daşıyan əməliyyatlarda "Cəbhət Ən-Nusra", "Əhrar Əş-Şam briqadası", "İslam ordusu" və "Ənşaru Şam briqadası" iştirak edirlər.
Bütün xəbərlər Facebook səhifəmizdə
USD
EUR
GBP
RUB