İŞİD terror təşkilatının Suriyanın Kobani bölgəsinə hücumu ilə bağlı olaraq təşkil edilən icazəsiz mitinqlərdə 12 nəfər həyatını itirib. SİA-nın Türkiyə mətbuatına istinadən verdiyi xəbərə görə, Batman şəhərində mitinqə qatılaraq yaralanan 1 nəfər xəstəxanaya aparıldıqdan sonra vəfat edib. Şəhərin müxtəlif yerlərində keçirilən icazəsiz aksiyalarda 22 yaşlı Əmrah Dəmir ağır yaralanıb. Ümumilikdə Diyərbəkirdə 8, Siirtdə 2, Muşda 1, Batmanda 1 nəfər dünyasını dəyişib. Hadisələrlə bağlı olaraq Diyərbəkir şəhərində komendant rejiminin vaxtı uzadılıb.
Şəhər İcra Hakimiyyətindən verilən xəbərdə, 5442 saylı Şəhər İdarəsi Qanunun 11/C maddəsinə görə, mərkəzi Bağlar, Kayapınar, Sur, Yenişəhər qəsəbələri ilə Bismil, Silvan, Licə bölgələrində ortaya çıxa biləcək mitinqlərlə bağlı olaraq küçələrə çıxma qadağası gətirilib.
Bütün xəbərlər Facebook səhifəmizdə
USD
EUR
GBP
RUB