Türkiyədə "Gülən hərəkatı"nın tərəfdarlarına qarşı əməliyyatlar davam edir. SİA-nın türk mətbuatına istinadən verdiyi xəbərə görə, məsələ ilə bağlı açıqlama verən ölkənin ədliyyə naziri Bəkir Bozdağ bu əməliyyatın davamlı olacağını bildirib.
O bildirib ki, sözügedən hərəkata qarşı əməliyyatlar şəffaf şəkildə keçirilsə də, bəzi mətbuat vasitələrində təhrifə yol verilir: " "Gülən hərəkatı"nın tərəfdarlarına qarşı əməliyyatlar şəffaf keçirilsə də, ölkədəki bəzi kütləvi informasiya vasitələri bu əməliyyatlarla bağlı məlumatları bilərəkdən təhrif edirlər".
Xatırladaq ki, Türkiyədə iyulun 22-də "Gülən hərəkatı"nın tərəfdarlarına qarşı keçirilən əməliyyat çərçivəsində 70-dən artıq polis saxlanılıb.
Bütün xəbərlər Facebook səhifəmizdə
USD
EUR
GBP
RUB