Benilüks Azərbaycanlıları Konqresi (BAK) Avropa Birliyinin paytaxtı Brüssel şəhərində yerləşən mənzil qərargahının rəsmi açılışını edib. Diasporla İş üzrə Dövlət Komitəsindən SİA-ya verilən məlumatа görə təşkilatın mənzil qərargahı Brüsselin məşhur "Qrand Plaza" Meydanı dairsində yerləşir. Yeni ofisin rəsmi açılışında Brüsseldə akkreditə olunmuş diplomatlar, siyasətçilər, Azərbaycan, Turkiyə, Ukrayna və yəhudi diaspor təşkilatlarının rəhbərləri, mətbuat nümayəndələri iştirak edib.
Benilüks Azərbaycanlıları Konqresinin sədri Sahil Qasımov qonaqları salamlayaraq təşkilat üzvlərini BAK-ın Brüsseldəki mənzil qərargahının açılışı münasibətilə təbrik edib. O, təşkiların bundan sonra Belçika və Luksemburqda da aktiv fəaliyyət göstərəcəyini vurğulayıb.
Daha sonra tədbirdə Benilüks Azərbaycanlıları Konqresinin Brüsseldəki menzil qerargahının açılışı münasibətilə Diasporla İş üzrə Dövlət Komitəsinin sədri Nazim İbrahimovun təbrik məktubu oxunub.
Tədbirdə çıxış edən Azərbaycanın Belçikadakı fövqəladə və səlahiyyətli səfiri Fuad Isgəndərov Benilüks Azərbaycanlıları Konqresini əldə etdiyi nailiyyətlərə görə təbrik edib və təşkilatın lobbiçilik istiqamətində inamla addımladığını xüsusi qeyd edib.
Islam Əməkdaşlıq Konfransının Avropa Birliyindəki Nümayəndəliyinin rəhbəri Arif Məmmədov BAK rəhbərliyini və üzvlərini təbrik edərək təşkilatın Avropa Birliyi ölkələrindəki fəaliyyətindən bəhs edib və sonrakı işlərində uğurlar arzulayıb.
NƏZAKƏT
Bütün xəbərlər Facebook səhifəmizdə
USD
EUR
GBP
RUB