Çinin Hubei əyalətində baltalı bir təcavüzkar ibtidai məktəbə hücum edib. SİA-nın xarici mətbuata istinadən verdiyi xəbərə görə Chen Zuihang adlı 35 yaşlı təcavüzkar məktəbin bağçasında olan 8 uşağı yaralayıb. Xəstəxanada müalicə olunan uşaqlardan birinin vəziyyətinin ağır olduğu bildirilib.
Polis cinayətkarı hadisə yerində tutub.
Qeyd edək ki, Çində son illərdə uşaqlara qarşı buna bənzər hücumlar tez-tez yaşanır. 2010-ci ildə baş verən beş hadisədə 15-i uşaq olmaqla 18 nəfər həyatını itirmişdi.
Bu ilin Mart ayında da Şanxayda bir məktəbin yaxınlığında yaşanan hücumda 6-sı uşaq olmaqla 11 nəfər öldürülmüşdü.
Təranə Səfərova
Bütün xəbərlər Facebook səhifəmizdə
USD
EUR
GBP
RUB