Ukraynanın güc strukturları antiterror əməliyyatlarına başlayandan bəri 21 nəfər əməkdaşını itirib, 65 nəfər xəsarət alıb. Bu haqda Ukrayna Təhlükəsizlik Xidməti bildirib. Həlak olanlardan 18 nəfəri Ukrayna Silahlı Qüvvələrinin əsgəri, 3-ü "Alfa" xüsusi təyinatlı dəstəsinin əməkdaşlarıdır.
Yaralananlar arasında 29 nəfər Təhlükəsizlik Xidmətinin əməkdaşı, Ukrayna Silahlı Qüvvələrinin 27 əsgəri, bir hərbi həkim, 5 daxili qoşun əsgəri, 1 daxili işlər nazirliyinin əməkdaşı, 2 milli qvardiyaçı var.
2 nəfər Silahlı Qüvvələrin əsgəri itkin düşmüş sayılır.
Qeyd edək ki, Ukraynanın güc strukturları ən çox itkini terrorçuların mayın 13-də Kramatorskda qurduğu tələ zamanı verib. O zaman terrorçular 7 hərbçini öldürməklə yanaşı 2 hərbi maşını da məhv edib.
Bütün xəbərlər Facebook səhifəmizdə
USD
EUR
GBP
RUB