Fransanı tərk edən yəhudilərin sayı artır. 2013-cü ildə yəhudi əsilli 3000 Fransa vətəndaşı İsrailə köç edib. Onlar özlərini doğma vətənləri hesab etdikləri İsraildə daha xoşbəxt və hər cür təhlükədən uzaq hiss etdiklərini bildiriblər.
Köç edənlər son illər Fransada İsrailə və yəhudilərə qarşı münasibətin getdikcə pisləşməsinə görə uzun illər yaşadıqları ölkəni tərk etməyə məcbur olduqlarını deyiblər. Əvvəlki illərlə müqayisədə 2013-cü ildə Fransanı tərk edən yəhudilərin sayı 63 faiz artıb.
Məsələyə münasibət bildirən ekspertlər Fransada etnik qruplara, xüsusilə yəhudilərə qarşı təhqiramiz halların artmasının onların ölkəni tərk etmələrinə başlıca səbəb olduğunu bildiriblər.
Rasizm, antisemitizm və 2012-ci ilin mart ayında ölkənin Tuluz şəhərində yəhudi gəncin qətlə yetirilməsi yəhudilərin Fransadan kütləvi şəkildə köçməsinə təkan verib.
Bütün xəbərlər Facebook səhifəmizdə
USD
EUR
GBP
RUB