Yanvarın 13-də ABŞ-ın dövlət katibi Con Kerri və Rusiya XİN-in başçısı Sergey Lavrov Suriya münaqişənin nizamlamasına dair konfransda İranın iştirakını müzakirə edəcəklər. Bunu BMT-nin rəsmi nümayəndəsi Farxan Xak bəyan edib.
"ABŞ dövlət katibi Con Kerri və Rusiya XİN başçısı Sergey Lavrov yanvarın 13-də görüşəcəklər. Ümidvarıq ki, İranın konfransda iştirakına dair razılaşma əldə ediləcək", - deyə F.Xak bildirib.
Onun sözlərinə görə, BMT baş katibi Pan Gi Mun İranın konfransa dəvət edilməsini dəstəkləyir, lakin son qərarı "Cenevrə-2" konfransınkının təşəbbüskarları olan ABŞ və Rusiya verməlidir.
Suriyadakı vəziyyətə həsr olunmuş beynəlxalq konfrans yanvarın 22-də, İsveçrənin Montrö şəhərində başlayır. Bir gün sonra isə rəsmi Dəməşq və müxalifət nümayəndələri Cenevrədə, beynəlxalq müşahidəçilərin iştirakı ilə birgə münaqişənin nizama salınması yollarını müzakirə edəcəklər.
Bütün xəbərlər Facebook səhifəmizdə
USD
EUR
GBP
RUB