Suriya müxalifətinin silahlı qanadlarından biri olan "İraq və Levanta İslam Dövləti" qruplaşması ölkənin şimalında məskunlaşmış 120 kürd əsilli suriyalını əsir götürüb. SİA İTAR-TASS agentliyinə istinadən xəbər verir ki, bu barədə Suriyanın "Əl-Manar" telekanalı məlumat verib. Əsirlər arasında qadın və azyaşlı uşaqların da olduğu bildirilir.
İnsident Türkiyənin Əzaz şəhəri ilə həmsərhəd olan və qızğın döyüşlərin getdiyi Aleppodan 40 km şimalda yerləçən Əxras qəsəbəsində baş verib. Silahlılar kürdlərin kompakt yaşadığı kəndə hücum edərək kənd qoruqçularını öldürdükdən sonra sakinləri əsir götürərək oradan naməlum istiqamətə doğru uzaqlaşıblar.
Qeyd edək ki, "Əl Qaidə" terror təşkilatına yaxınlığı ilə seçilən "İraq və Levanta İslam Dövləti" qruplaşması və "Cbəhət ən-Nüsra" Suriyanın şimalında kürdlərin yaşadıqları bütün rayonları mühasirəyə alıblar. Hazırda Əfrin, Əyn-əl Ərəb və Qubani şəhərləri də müxalifətçilərin nəzarəti altında qalmaqdadır.
Məlumatda o da qeyd olunur ki, bölgədə Azad Suriya Ordusu (ASO) tərəfindən başladılan yeni hərbi əməliyyatlara dekabrın 2-dən start verilib. Silahlılar Suriyanın şimalına doğru hərəkət edən humanitar yardım maşınlarını, eləcə də neft məhsullarını daşıyan nəqliyyatların qarşısını kəsirlər.
ASO-nun məqsədi şimal-şərqdə yerləşən və iyul-oktyabr aylarında kürd silahlıları tərəfindən geri qaytarılan Əl-Hasika əyalətinin Rəs-əl Əyn, Yərubiyyə şəhərlərini yenidən ələ keçirməkdən ibarətdir.
USD
EUR
GBP
RUB