"Fernand" fırtınası Meksikanı cənginə alıb. SİA xarici mətbuata istinadən xəbər verir ki, fırtına nəticəsində yağan şiddətli yağışlar torpaq sürüşməsini intensivləşdirib.
Səlahiyyətlilər ölkənin şərqində yerləşən Veracruz ştatında fırtınanın 4 evi uçurduğunu və nəticədə 9 nəfərin öldüyünü bildirib. Ştat qubernatoru Javier Duarte isə Tuxpan şəhərində 3 və Atzalan şəhərində 1 nəfərin uçqunlar altında qaldığını deyib.
Qeyd edək ki, bu gün səhər saatlarında edilən fırtına xəbərdarlığı ilə əlaqədar yüzlərlə insan məktəb və digər ictimai binalarda yerləşdirilib. 4 ştatda elektrik enerjisi təhcizatı dayandırılıb, torpaq sürüşmələrinə görə nəqliyyatın hərəkəti məhdudlaşdırılıb.
Hazırda fırtına saatda 15 kilometr sürətlə ölkənin şimal-qərbinə doğru hərəkət edir.
Bütün xəbərlər Facebook səhifəmizdə
USD
EUR
GBP
RUB