İyulun 4-də Yaponiyada parlamentin yuxarı palatasına iyulun 21-də keçiriləcək seçkilərlə bağlı kampaniya başlamışdır. Namizədlər palatadakı 121 deputat yeri uğrunda mübarizəyə qoşulublar.
Seçki komissiyası 433 nəfərin namizədliyini qeydə alıb. Namizədlərin 271-i 47 birmandatlı seçki dairəsi üzrə 73 yerə iddialıdır. Hakim Liberal-Demokratik Partiyası 47 namizədlə, Kommunist Partiyası 46 namizədlə, Demokratik Partiyası 35 namizədlə təmsil olunur. "Hamının partiyası"nın 19, "Yaponiyanın Bərpası Partiyası"nın 14, Komey partiyasının 4 namizədi və 89 bitərəf namizəd vardır.
Proporsional sistem üzrə 48 deputat mandatı uğrunda isə 12 siyasi partiyanın 162 namizədi mübarizə aparacaqdır.
İcmalçılar hakim Liberal-Demokratik Partiyası ilə Komey Partiyasının yuxarı palatada irəli sürülən qanun layihələrinin qəbuluna nail olmaq üçün yerlərin çoxuna yiyələnmək uğrunda gərgin mübarizəsini izləyəcəklərini bildirirlər.
Vüqar Ağayev
Bütün xəbərlər Facebook səhifəmizdə
USD
EUR
GBP
RUB