Türkiyəli mütəxəssislər ilkin tədqiqatların yekunu üzrə ölkədəki xəstəxanaların bir sıra pasiyentlərinin Suriyada kimyəvi silahın tətbiqindən zərər çəkdiyini tam əminliklə deyə bilmirlər. SİA RİA Novosti agentliyinə istinadən məlumat verir ki, bu barədə Türkiyənin xarici işlər naziri Əhməd Davudoğlu bildirib.
Tədqiqatlar kimyəvi silahdan zərər çəkdikləri ehtimal olunan suriyalıların xəstəxanalara yerləşdirildiyi Türkiyədə aparılıb.
"Biz analizlər aparmışıq və kimyəvi silahdan istifadə ilə bağlı bir sıra sübutlarımız var. Lakin bunu qəti şəkildə təsdiq etmək üçün tədqiqatları davam etdirmək lazımdır", - Davudoğlu bildirib.
Qeyd edək ki, Suriya hakimiyyəti və müxalifəti bir-birini kimyəvi silahdan istifadədə günahlandırır.
Bütün xəbərlər Facebook səhifəmizdə
USD
EUR
GBP
RUB