Təbrizin "Traktor" komandasının Asiya Çempionlar Liqasında mübarizədə Birləşmiş Ərəb Əmirliklərinin (BƏƏ) "Əl- cəzirə" komandasını 3-1 hesabı ilə məğlub etdiyi oyun sürprizlərlə yadda qalıb. SİA-nın fars mətbuatına istinadən verdiyi xəbərə görə, azarkeşlər klubu vəd etdiyi sürprizləri gerçəkləşdirib. Stadionda "1992-ci il Xocalı soyqırımı" və "Güney Azərbaycan İran deyil" plakatlarının açılması oyunun canlı yayımlanan dövlət televiziyası üçün problem yaradıb.
Dövlət televiziyası ilə canlı yayımlanan oyunda gözlənilmədən ilk qoldan sonra açılan pankartlar ekranlarda nümayiş etdirilib və canlı izlənilib. Oyun yayımını aparan dövlət televiziyasının kameraları həmin plakatları geniş ölçüdə nümayiş etdirərək daha sonra bunun fərqinə varıblar. Amma yayımı yarımçıq saxlamaq mümkün olmayıb.
Qeyd edək ki, Təbriz komandası rəqibini 3:1 hesabıyla məğlub edib. Hesabı oyunun 37-ci dəqiqəsində "Traktor"dan Mehdi Seyid Salehi açıb – 1:0. Matçın 60-cı dəqiqəsində Cavad Kazımian hesab arasındakı fərqi artırıb – 2:0. Qarşılaşmanın 79-cu dəqiqəsində "Əlcəzirə" hesab arasındakı fərqi azaltmağı bacarıb – 1:2. Ancaq oyunun 81-ci dəqiqəsində Məsud İbrahimzadə hesab arasındakı fərqi 3:1-ə şatdırıb. Bununla da görüş "Traktor"un qələbəsilə yekunlaşıb. 72 min nəfərlik stadionda 100 min nəfərdən çox azarkeş olub. Onlar 90 dəqiqə boyunca "Yaşasın Azərbaycan!", Azərbaycan var olsun istəməyən kor olsun!", "Türk dilində mədrəsə!" şüarları səsləndiriblər.
Bütün xəbərlər Facebook səhifəmizdə
USD
EUR
GBP
RUB