Birləşmiş Millətlər Təşkilatı (BMT) ABŞ hərbçilərinin Əfqanıstanda keçirdiyi əməliyyatlar zamanı yüzlərlə azyaşlını qətlə yetirdiyini açıqlayıb. SİA-nın məlumatına görə, bu barədə BMT-nin Uşaq Haqqları Komitəsi hesabat hazırlayıb. 1 fevral tarixindən ictimaiyyətə təqdim edilən hesabatda göstərilib ki, Əfqanıstanda silahlı qarşıdurmalar və partlayışlar zamanı həlak olan azyaşlıların sayı 2010-cu illə müqayisədə 2011-ci ildə iki dəfə artıb.
Qeyd edək ki, BMT ötən ilin aprelində yaydığı hesabatda açıqlamışdı ki, NATO qoşunları tərəfindən təşkil edilən avia hücumlarda 2011-ci ildə 110 uşaq dünyasını dəyişib, 68 azyaşlı isə yaralanıb. UNICEF isə 2011-ci ildə bu ölkədə baş verən qarşıdurmalarda ümumilikdə 1756 uşağın həyatını itirdiyini, 2010-cu ildə isə 1396 azyaşlının qurbana çevrildiyini bəyan edib.
Bütün xəbərlər Facebook səhifəmizdə
USD
EUR
GBP
RUB