İraq əhalisinin yaddaşlarında sentyabr ayı qırmızı hərflərlə yazılıb. SİA-nın xarici mətbuata istinadən verdiyi məlumata görə, keçən bir ay ərzində ölkədə terror qurbanlarının sayı iki dəfə artaraq 365-ə çatıb. Bu son iki ildə qeydə alınan ən yüksək göstəricidir.
Terror qurbanlarının çoxu bomba hücumları zamanı həlak olub. Keçən ayın ən qanlı günü isə sentyabrın 9-u olub. Həmin gün ərzində ölkədə törədilən partlayışlar nəticəsində 100-dən çox insan həyatını itirib. Hücumlarda əsasən şiələr hədəf alınıb və "Əl Qaidə"nin İraqdakı qoluna aid olan sünnilər tərəfindən həyata keçirilib.
Qeyd edək ki, sentyabrda terror qurbanı olanların 182-i mülki şəxs, 95-i əsgər, 88-i isə polis əməkdaşı olub. Hücumlar zamanı həmçinin 683 nəfər yaralanıb.
Bütün xəbərlər Facebook səhifəmizdə
USD
EUR
GBP
RUB