Azərbaycan və Şimali Kipr Türk Respublikasının jurnalistlərinin qarşılıqlı səfərləri təşkil olunacaq
Azərbaycan və Şimali Kipr Türk Respublikasının jurnalistlərinin qarşılıqlı səfərləri təşkil olunacaq. Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondundan SİA-ya bildirilib ki, bu barədə razılıq Fondun icraçı direktoru Vüqar Səfərli və Şimali Kipr Türk Respublikasının Bakı nümayəndəliyinin rəhbəri Zəki Qazioğlu arasında çərşənbə günü keçirilən görüşdə əldə olunub.
Görüşdə Fondun icraçı direktoru Azərbaycan ilə Şimali Kipr Türk Respublikası arasında əlaqələrin son illərdə bütün sahələrdə sürətlə inkişaf etdiyini, münasibətlərdə keyfiyyətcə yeni mərhələnin yarandığını qeyd edib.
Şimali Kipr Türk Respublikasının Bakı nümayəndəliyinin rəhbəri Zəki Qazioğlu Fondun türkdilli ölkələrin media qurumları arasında əməkdaşlığın dərinləşdirilməsi sahəsindəki səylərini yüksək dəyərləndirib. O, Şimali Kipr Türk Respublikası ilə Azərbaycanın kütləvi informasiya vasitələri arasında əməkdaşlığın hər iki ölkə üçün faydalı olduğunu vurğulayıb.
Bütün xəbərlər Facebook səhifəmizdə
USD
EUR
GBP
RUB