Davos Dünya İqtisadi Formunda ilk çıxışı Almaniya kansleri Angela Merkel edib. SİA-nın "evronews" a sitinadən verdiyi xəbərə görə, A.Merkel bildirib ki, Avropada davam edən maliyyə böhranını aradan qaldırmaq üçün daha geniş siyasi əməkdaşlıq etmək lazımdır: "Biz həmrəyik, lakin xoşbəxt gələcək üçün birləşmək lazımdır"
Onun sözlərinə görə, bəzi Avrozona ölkələrininin rəqabət gücü zəif olsa da, avro hələ ki, ideal seçim olaraq qalır. Belə ki, avronun düzgün işləməsi üçün əsaslı siyasi struktur yoxdur.
Eyni zamanda güclü qarın yağmasına baxmayaraq Foruma qarşı etiraz aksiyası keçirilib. Forumun keçirildiyi dağ-xizək kurortunda baş tutan aksiyada fəallar dünya liderlərinə kasıb əhalinin və ətraf-mühitin maliyyə böhranının təsirindən qorunması ilə bağlı ismarıc ünvanlayıb. Etirazçılar əllərində qırmızı şarlar və plakatlarla "Dünya İqtisadi Forumu, digər 6.9999 milyard insan haradadır?" şüarları səsləndiriblər.
Bütün xəbərlər Facebook səhifəmizdə
USD
EUR
GBP
RUB