Ermənistan Türkiyədə zəlzələdən zərər çəkənlərə yardım üçün 74 milyon dram (təxminən 200 min dollar) vəsait xərcləyib. Bu barədə məlumat Ermənimstan hökumətinin saytında yerləşdirilib. Noyabrın 17-də Nazirlər Kabineti bu vəsaitin hökumətin ehtiyat fondundan Fövqəladə Hallar Nazirliyinin hesabına köçürülməsi barədə qərar qəbul edəcək.
Qeyd edək ki, oktyabrın 23-də Türkiyənin Van bölgəsində dağıdıcı zəlzələ baş verib. Təbii fəlakət nəticəsində 600 nəfər həlak olub, 4000-dən çox adam xəsarət alıb. Zəlzələdən sonra bir sıra ölkələrlə yanaşı Ermənistan da Türkiyəyə yardım göndərib.
Bütün xəbərlər Facebook səhifəmizdə
USD
EUR
GBP
RUB