Liviyada 42 illik Müammər Qəddafi dövrü sona çatıb. SİA-nın xarici mətbuata istinadən verdiyi xəbərə görə, üsyançıların paytaxt Tripolini ələ keçirməsinin ardından yüz minlərlə adam küçələrə tökülüb. Müammər Qəddafinin üç oğlu üsyançılar tərəfindən əsir götürülüb. Hər yerdə axtarılan Qəddafinin Venesuelada ola biləcəyi ehtimal edilir.
Liviyada aylardır davam edən qarşıdurmaların sonunda üsyançılar dünən gecə paytaxt Tripolini ələ keçiriblər. Gözlənilənlərin əksinə, üsyançılar Qəddafi tərəfdarlarından heç bir müqavimət görmədən paytaxta daxil olublar. Qəddafiyə bağlı ordu hissələrinin ortalıqda görünməməsi diqqət çəkib.
Üsyançılar Qəddafinin tərəfdarlarının
güclü müdafiə olunduğu Bab əl-Əzizə bölgəsindən başqa bütün paytaxtı ələ
keçirdiklərini açıqlayıblar. Üsyançılar dövlət televiziyasını və radiosunu da
ələ keçirib. Tunis sərhədinə gedən avtomobil yolu və Tripoli hava limanı da
Müvəqqəti Milli Şuranın nəzarəti
altındadır. Bundan başqa "Əl Cəzirə" televiziyası Tripolidəki hökumət
binalarına üsyançıların bayraqlarının asıldığını bildirib.
Bütün xəbərlər Facebook səhifəmizdə
USD
EUR
GBP
RUB