Cənubi Koreyada torpaq sürüşməsi nəticəsində 22 nəfər ölüb

Son günlər aramsız yağan yağışlar Koreya Respublikasının mərkəzi hissəsində subasma və torpaq sürüşməsinə səbəb olub. SİA-nın rus mətbuatına istinadən verdiyi xəbərə görə, Çxunçxon şəhərində azı 19 nəfər ölüb 4 yaşayış evi və 2 pansionat sel axını altında qalıb, bəzi metro stansiyaları yağış suları ilə dolub. Həmçinin, avtomobil yolları yararsız hala düşüb.

Ümumilikdə, ölkə ərazisində 22 nəfər ölüb, 24 nəfər isə xəsarət alıb. Azı, 3 nəfər itkin düşmüş hesab edilir. Hazırda həmin şəxslərin axtarışları aparılır. Sinoptiklər yaxın günlər ərzində hava şəraitinin yağıntılı keçəcəyini proqnozlaşdırır.

Bütün xəbərlər Facebook səhifəmizdə