Hindistan əcnəbi turistlər arasında getdikcə
populyar istirahət yerinə çevrilir. SİA-nın məlumatına görə, ötən il möcüzələr
diyarının görməli yerlərinə tamaşa etməyə gələn əcnəbi turistlərin sayı 2009-cu
illə müqayisədə 24,2 faiz artıb.
Əcnəbilər Hindistanın
ştatları arasında təkcə qumsallı çimərlikləri və azad atmosferi olan Qoa
ştatına üstünlük vermir, həm də Tamiland, Uttar-Pradeş, Racastan, Maharaştu
ştatlarına və paytaxt Nyu-Dehliyə gedirlər. Kerala və Himaçal-Pradeş ştatları
da turistlər üçün maraq doğurur.
Hindistanın Turizm Nazirliyinin məlumatına görə, 2010-cu ildə Hindistana
17,9 milyon turist gəlib.
Hindistanın Turoperatorlar Assosiasiyasının prezidenti Vicay Takur məsələ ilə
bağlı bildirib: "2008-ci ilin ikinci yarısında
əcnəbilər arasında ölkəmizin populyarlığı nəzərəçarpacaq dərəcədə azalsa da,
son iki ildə turizm sənayesində yüksəliş qeydə alınıb. Buna ötən ilin
oktyabrında irimiqyaslı Birlik Oyunlarının keçirilməsi kömək edib".
Hazırda Turizm Nazirliyi
putyovkaların qiymətlərini, bu sahədə vergilərin azaldılması məsələlərini
nəzərdən keçirir. Odur ki, Hindistan turlarının qiymətləri xeyli ucuzlaşacaq.
Bütün xəbərlər Facebook səhifəmizdə
USD
EUR
GBP
RUB
