Hollandiyada uzun müddətdir müzakirə olunan məsələ öz həllini tapıb. SİA-nın məlumatına görə, Hollandiyada hökumətlə işçilər arasındakı pensiya problemi həll olunub.
Razılığa əsasən ölkədə pensiya yaşının qaldırılmasına qərar verilib. Bu barədə Hollandiyanın baş naziri Mark Rutt açıqlaması zamanı bildirib ki, əldə olunan razılıq işləmək istəyən yaşlılara da hər cür şərait yaradacaq: \"Artıq uzun müddətdir ki, hökumətlə işçi qüvvələrinin arasında təqaüd yaşı ilə bağlı ciddi müzakirələr gedirdi. Nəhayət ki, bu məsələ ilə bağlı razılığa gəlinib. 2020-ci ildə təqaüd yaşı 66, 2025-ci ildə isə 67-yə qaldırılacaq. Eyni zamanda 2020-ci ildən etibarən istənilən şəxs 65 yaşından əvvəl də təqaüdə çıxa bilər. Lakin, belə şəxslər erkən təqaüdə çıxdıqları hər il üçün 6,5 faiz az təqaüd alacaqlar. Razılığa əsasən, təqaüd yaşının çatmasına baxmayaraq, iş enerjisi olan və bundan istifadə etmək istəyən şəxslər 66, 67 yaşdan sonra da işləyə biləcəklər. Belə şəxslər isə 6,5 faiz çox təqaüd alacaqlar\".
Bütün xəbərlər Facebook səhifəmizdə
USD
EUR
GBP
RUB
