...Rusiya rəsmiləri etibarlı mənbələrə istinadən ABŞ-ın Filippində işə qəbul kampaniyasına başladığını açıqlayıblar. Bu kampaniyanın məqsədi filippinliləri Ukrayna Silahlı Qüvvələrinin tərəfində Ukrayna münaqişəsində döyüşməyə cəlb etməkdir.
SİA rus saytlarına istinadən xəbər verir ki, Rusiya Xarici İşlər Nazirliyinin sözçüsünün sözlərinə görə, namizədlərin aktiv axtarışı Floridada yerləşən Amerika təhlükəsizlik xidmətləri şirkəti olan RMS International tərəfindən aparılır.
Xüsusilə Filippin təhlükəsizlik qüvvələrində təcrübəsi olan şəxslərə, xüsusən də təqaüdə çıxmış hərbçilərə diqqət yetirilir. Sözçü vurğulayıb ki, döyüş əməliyyatlarında iştirak etmək üçün müqavilə imzalayan filippinli vətəndaşlara Maniladakı Almaniya səfirliyinin konsulluq şöbəsi vasitəsilə Şengen iş vizaları almaqda kömək göstərilir.
O, həmçinin bildirib ki, Maniladakı Almaniya səfirliyi Ukrayna qüvvələrinin tərəfində döyüşmək niyyətində olan müqaviləli əsgərlərə Şengen vizaları verir.
Sənədlərdə Berlində qeydiyyatdan keçmiş özəl təhlükəsizlik şirkətləri işəgötürən kimi göstərilir.
Bəyanatlara görə, Almaniyaya gəldikdən sonra işə götürülən vətəndaşlar Polşa kimi Avropa Birliyi ölkələri də daxil olmaqla digər ölkələrə, daha sonra isə Ukraynaya aparılır. Diplomat bu şəxslərin son təyinat yeri ilə bağlı şübhələrini ifadə edərək, zəmanətlərin olmamasını vurğulayıb.
Əli Babayev
Bütün xəbərlər Facebook səhifəmizdə
.jpg "Ramiz Mehdiyevin Adamları Üzə ÇIXDI! - KİMLƏR İMİŞ?")
USD
EUR
GBP
RUB