...Almaniya əhalisinin yarıdan çoxu, yəni 56 faizi, Moskva ilə Kiyev arasında sülh müqaviləsi bağlanacağı təqdirdə, Bundesver əsgərlərinin Avropa sülhməramlı missiyasının bir hissəsi olaraq Ukraynaya göndərilməsini təsdiqləyərdi.
Bunlar Körber Fondu adından Forsa ictimai rəy tədqiqat institutu tərəfindən keçirilən illik Berlin Pulse sorğusunun nəticələridir.
SİA xəbər verir ki, Deutsche Welle-nin məlumatına görə, nəticələr çərşənbə axşamı, 25 noyabr tarixində açıqlanıb. Respondentlərin 59 faizi özünü Rusiya təcavüzündən müdafiə edən Ukraynaya silah təchizatının davam etdirilməsini dəstəkləyib.
Bu arada, respondentlərin yalnız 21 faizi Rusiya prezidenti Vladimir Putinin danışıqlar yolu ilə Ukraynada sülhə nail olmaqda fundamental olaraq maraqlı olduğuna inandıqlarını bildirib.
Və bu fonda, sorğunun nəticələrinə görə, almanlar öz təhlükəsizlikləri ilə bağlı getdikcə daha çox narahat olmağa başlayırlar.
Məsələn, sorğuda iştirak edənlərin 47 faizi Moskvadan gələn hərbi təhdidi "çox yüksək" kimi qiymətləndirib. Bu, respondentlərin 39 faiznin bu fikri bildirdiyi ötən illə müqayisədə xeyli yüksəkdir. Almanların əlli dörd faizi də Rusiyanın ölkələrində ictimai rəyə təsir göstərməyə çalışacağından qorxur.
Eyni zamanda, almanların 72 faizi Almaniya hökumətinin növbəti on il ərzində ölkənin müdafiə xərclərini ikiqat artırmaq planını təsdiqləyir.
Lakin respondentlərin 61 faizi Almaniyanın Avropada müdafiədə aparıcı rol oynamasını istəmir.
Almaniyanın Beynəlxalq Böhranların İdarə Edilməsində Rolu Ümumilikdə, sorğuda iştirak edənlərin yarısından bir qədər az hissəsi (48 faiz) Almaniyanın beynəlxalq böhranların idarə edilməsində daha aktiv rol oynamasını dəstəkləyir.
Lakin respondentlərin 43 faizi isə əksinə,...
Lakin, Qərbi və Şərqi Almaniya arasında açıq bir uçurum aşkar idi. Məsələn, keçmiş Şərqi Almaniya sakinlərinin 52 faizi Almaniyanın daha təmkinli mövqeyini dəstəklədiyini, Qərbi Almaniya sakinlərinin isə "yalnız" 42 faizi isə bu göstəriciyə üstünlük verdiyini bildirib.
Qərbdə respondentlərin 51 faizi və Şərqi Almaniya sakinlərinin 35 faizi ölkələrinin beynəlxalq böhranların həllində daha proaktiv mövqe tutmasını istəyir.
Bu baxımdan, respondentlərin 72 faiz ilk növbədə Berlinin diplomatik təşəbbüs göstərməsini istərdi.
Beynəlxalq siyasətdə əsas çətinliyin nə olduğu soruşulduqda, respondentlərin 45 faizi Ukraynadakı müharibəni, 39 faizi Yaxın Şərq münaqişəsi ilə əlaqəli mürəkkəb problemləri, 33 faizi isə ABŞ ilə münasibətləri qeyd edib.
Əli Babayev
Bütün xəbərlər Facebook səhifəmizdə
USD
EUR
GBP
RUB
