...Ukrayna Xarici Kəşfiyyat Xidmətinin məlumatına görə, Rusiya xarici texnologiyalardan tam asılılığı və texniki xidmətə çıxışı olmaması səbəbindən mülki aviasiya donanmasını saxlamaq qabiliyyətini getdikcə itirir.
SİA xəbər verir ki, kəşfiyyat məlumatlarına görə, Rusiya aviaşirkətləri tərəfindən hələ də idarə olunan SSJ-100 təyyarələri Fransanın SaM146 mühərrikləri ilə təchiz olunub. Sanksiyaların tətbiqindən bəri bu mühərriklərin rəsmi texniki xidməti mümkün olmayıb.
Hazırda SSJ-100 donanması, xüsusən də idarəetmə sistemləri və eniş qurğuları ilə bağlı çoxsaylı texniki problemlərdən əziyyət çəkir.
Təmir əsasən yalnız ehtiyat hissələri üçün digər təyyarələrin sökülməsi ilə aparılır.
...Orta mənzilli MS-21 layihəsi ilə bağlı vəziyyət də yaxşı deyil.
Bazara çıxarılması planlaşdırılan MS-21-300 modeli, Amerika Pratt & Whitney PW1000G mühərrikləri ilə təchiz olunduğu üçün 2022-ci ildən sonra istehsalı dayandırılıb. Qərb istehsalı olan 70-dən çox komponenti əvəz etməsi planlaşdırılan MC-21-310 hələ də yarımçıq qalıb.
Rusiya istehsalçıları öz buzlanma sistemlərini, hava radarlarını, enerji modullarını, tualet qurğularını və toqquşmanın qarşısının alınması sistemlərini inkişaf etdirə bilməyiblər.
Bundan əlavə, yenilənmiş modelin uçuş məsafəsi 6400 km-dən 3830 km-ə endirilib.
Böhran Rusiyanın digər aviasiya layihələrinə də təsir edib. Əfsanəvi An-2 təyyarəsini əvəz etmək üçün nəzərdə tutulan Baykal təyyarəsi rəsmi olaraq uğursuz elan edilib, baxmayaraq ki, onun maliyyələşdirilməsi davam edir.
Federal Hava Nəqliyyatı Agentliyinin rəhbəri Dmitri Yadrovun proqnozlarına görə, 2030-cu ilə qədər Rusiya təxminən 340 təyyarəni istismardan çıxarmaq məcburiyyətində qalacaq, bunlardan 230-u yerli, 109-u isə xarici istehsaldır.
Əli Babayev
Bütün xəbərlər Facebook səhifəmizdə
.jpg "Əxlaq pozuntusu edənlərə- AĞIR CƏZA!")
.jpg "Hansı Dövlət Qurumları Bağlanır? - KİMLƏR TƏŞVİŞDƏDİR?")
USD
EUR
GBP
RUB