...Noyabrın 21-də Ukrayna Prezidenti Volodimir Zelenski ölkənin tarixinin ən çətin dövrlərindən birini yaşadığını və çətin bir seçimlə üzləşdiyini qeyd edən bir bəyanat yaydı. ...Bu, tariximizin ən çətin anlarından biridir. Ukrayna indi çox çətin bir seçimlə üzləşə bilər: ya ləyaqətinin itirilməsi,
ya da əsas tərəfdaşını itirmək riski, - deyə Zelenski bildirib. SİA-nın məlumatına görə, o əlavə edib ki, Ukrayna hakimiyyəti milli maraqların prioritetinə əsaslanaraq qərarlar qəbul etmək niyyətindədir.
Onun sözlərinə görə, bu, Kiyevin mövcud vəziyyəti nəzərə alaraq nəzərdən keçirdiyi bütün siyasi və diplomatik addımlara aiddir.
Qeyd edək ki, noyabrın 19-da “Axios” Ukrayna münaqişəsinin həlli üçün Amerika planının təfərrüatlarını dərc edib.
Məlumata görə, təklif olunan plan ABŞ-ın təhlükəsizlik zəmanətləri müqabilində Ukraynanın nəzarətində olan Donbas ərazilərinin Rusiya Federasiyasına verilməsini nəzərdə tutur.
Noyabrın 20-də Ağ Evin mətbuat katibi Kerolin Livitt ABŞ Prezidentinin xüsusi elçisi Stiven Vitkov və dövlət katibi Marko Rubionun Rusiya və Ukrayna ilə sülh yolu ilə həll yolu ilə bağlı danışıqlar apardığını açıqlayıb.
O, Donald Trampın planı dəstəklədiyini vurğulayıb...
Əli Babayev
Bütün xəbərlər Facebook səhifəmizdə
.jpg "Bu ərazilər Azərbaycana qaytarılır")
USD
EUR
GBP
RUB