...SİA xəbər verir ki, Bloomberg agentliyinin London ICE birjasının məlumatlarına istinadən verdiyi məlumata görə, Avropada təbii qaz fyuçersləri 2024-cü ilin may ayından bəri ən aşağı səviyyəyə, yəni son 18 ayın ən aşağı səviyyəsinə çatıb.
Ən aşağı səviyyədə qiymət min kubmetr üçün 360 dollara yaxınlaşıb.
Qiymətin enməsinə yüksək temperaturun, sabit və böyük qaz tədarükünün proqnozlaşdırılması ilə bağlı hava proqnozları və Tramp administrasiyasının irəli sürdüyü Ukraynadakı döyüşlərə son qoymaq üçün yeni bir plan barədə söhbətlər səbəb olub.
Treyderlər danışıqların uğurlu olacağı və tərəflərin atəşkəs barədə razılığa gələcəyi təqdirdə Avropanın Rusiya mayeləşdirilmiş təbii qazının (LNG) idxalını qadağan etmək üçün heç bir səbəbinin olmayacağına mərc edirlər.
Bu halda, qiymətləri yüksəldən təchizat fasilələri ilə bağlı narahatlıqlar nəzərə alınmaya bilər.
Bundan əlavə, bazar iştirakçıları getdikcə mövcud qaz ehtiyatlarının və hazırkı LNG tədarükünün Avropanın qışı heç bir problem olmadan keçirməsinə imkan verəcəyini getdikcə daha çox qəbul edirlər, baxmayaraq ki, qəfil şaxtalar baş verərsə, proqnozlar yenidən nəzərdən keçirilə bilər.
Oktyabr ayında "Qazprom"un baş direktoru Aleksey Miller Sankt-Peterburq Beynəlxalq Qaz Forumunda çıxış edərək Avropa üçün qeyri-adi dərəcədə soyuq bir qış proqnozlaşdırdı ki, bu da regionda qaz çatışmazlığına səbəb olacaq..(?)
Eyni zamanda, Qaz İxrac Edən Ölkələr Forumunun (GECF) hesabatında Avropada qaz hasilatının 2025-ci ilin sentyabr ayında ötən ilin eyni dövrü ilə müqayisədə 10,6 faiz artdığı bildirilir.
Əli Babayev
Bütün xəbərlər Facebook səhifəmizdə
.jpg "Bu ərazilər Azərbaycana qaytarılır")
USD
EUR
GBP
RUB