...ABŞ kəşfiyyatı Çin internet nəhəngini Çin ordusuna casusluq etməkdə şübhəli bilir ABŞ kəşfiyyatının Çin ordusuna məxfi məlumat verdiyinə inandıqları Çin şirkətləri ilə bağlı narahatlıqlarını ilk dəfə ortaya qoyması deyil.
Ən səs-küylü iş Huawei-yə qarşı idi və bu, bir sıra sanksiyalara səbəb oldu.
İndi isə ABŞ kəşfiyyatı Alibaba ilə bağlı narahatlıqlarını artırdı.
SİA xəbər verir ki, “Financial Times” qəzetinin məlumatına görə, ABŞ kəşfiyyatı Ağ Evə Alibaba-nın Xalq Azadlıq Ordusunu (XAO) Amerika hədəflərinə qarşı əməliyyatlar üçün texnologiya və məlumatlarla təmin etdiyinə dair dəlillər təqdim edib.
“Financial Times”-ın əldə etdiyi məlumata görə, Vaşinqtonun əsas narahatlıqları Çin bulud xidmətləri, süni intellekt və Pekinin ABŞ-ın məxfi məlumatlarına daxil olmaq imkanıdır. Ağ Evə təqdim edilən sənəddə Alibaba-nın Çin ordusuna IP ünvanları, Wi-Fi və ödəniş məlumatları, eləcə də müxtəlif süni intellektlə əlaqəli xidmətlər daxil olmaqla adi amerikalıların istifadəçi məlumatlarını təqdim etdiyi bildirilir. ABŞ kəşfiyyatı həmçinin iddia edir ki, Alibaba-nın köməyi ilə XAO "sıfır günlük zəifliklər" haqqında məlumat əldə edib. Başqa sözlə, hələlik heç bir qoruma mexanizmi hazırlanmamış zərərli proqram zəiflikləri haqqında məlumat...
Alibaba bütün ittihamları tamamilə cəfəngiyat və şirkəti nüfuzdan salmaq üçün ictimai rəyi manipulyasiya etmək cəhdi kimi rədd etdi.
Ola bilsin ki, Alibabaya qarşı ittihamlar Pekini ticarət müharibəsi danışıqlarında daha əlverişli şərtlər təmin etmək üçün təzyiq göstərmək cəhdidir.
Çin nəhənginə sanksiyalar tətbiq oluna bilər. Bu, məşhur AliExpress bazarının fəaliyyətinin risk altında olduğu anlamına gəlirmi? Lakin, bu maraqlı hekayənin necə inkişaf edəcəyini gözləməli olacağıq...
Əli Babayev
Bütün xəbərlər Facebook səhifəmizdə
.jpg "Türkiyə təyyarəsinin növbəti QƏZASINA SƏBƏB NƏ OLDU?")
.jpg "General AÇIQLADI - TƏYYARƏ QƏZASINDA ƏLAVƏ FAKTLAR")
USD
EUR
GBP
RUB