...Tanınmış kriptovalyuta treyderi Roman Novak və həyat yoldaşı Anna Birləşmiş Ərəb Əmirliklərində vəhşicəsinə qətlə yetiriliblər.
Dubayda yaşayan cütlük təxminən bir ay əvvəl Rusiyadakı qohumları ilə əlaqəsini itirib və bu da ciddi narahatlıq doğurub.
SİA xəbər verir ki, 78 nəşrinin məlumatına görə, faciə şantaj məqsədi daşıyır. Novak və həyat yoldaşı qaçırılaraq onlardan pul tələb edilib, lakin cinayətkarlar istənilən məbləği əldə edə bilməyiblər və qurbanlarını öldürüblər.
İstintaq hüquq-mühafizə orqanlarının fəal əməkdaşlığı ilə aparılıb.
Müstəntiqlərin fikrincə, oğurluq və qətldə şübhəli bilinən Rusiya vətəndaşları da saxlanılıblar.
Onlar tezliklə əlavə araşdırma üçün Sankt-Peterburqa köçürüləcəklər.
Qeyd edək ki, gənc ailənin yoxa çıxmasından sonra, təxminən 4 oktyabrda qurbanların telefonları iki gün ərzində müxtəlif yerlərdə aşkar edilib: əvvəlcə Hatta (BƏƏ) və Omanda, daha sonra isə Cənubi Afrikanın Keyptaun şəhərində.
Tezliklə əlaqə birdəfəlik kəsilib. Mərhum Annanın atası və həyat yoldaşı azyaşlı nəvələrini götürmək üçün təcili olaraq Dubaya uçublar.
Bu faciə Roman Novakın keçmişi səbəbindən xüsusilə diqqət çəkib. O, dəfələrlə hüquq-mühafizə orqanlarının və medianın diqqətinə məruz qalıb.
O, əvvəllər 4 milyon dollar mənimsəməkdə məhkum edilib. Daha sonra Dubaya köçüb və yenidən kripto layihələrinə diqqət yetirib. Novak aktiv şəkildə investisiya cəlb edən Fintopio kripto transfer tətbiqini yaradıb.
O, böyük İT şirkətləri ilə tərəfdaşlıqlarını, eləcə də ərəb şahzadələri və Telegram-ın qurucusu Pavel Durovla iddia edilən əlaqələrini əsas gətirərək insanları investisiya qoymağa inandırıb.
Bəzi məlumatlara görə, təxminən 500 milyon dollar aldıqdan sonra Novak yoxa çıxıb və həm investorları, həm də işçiləri maaşsız qoyub.
Daha sonra o, Telegram-da yeni bir token layihəsinə başlayıb.
Yeri gəlmişkən, daha əvvəl Kudo ləqəbi ilə tanınan 32 yaşlı kriptobloqçu Konstantin Qaniçin cəsədi Kiyevdə tapılıb.
Kişi başından güllə yarası almış vəziyyətdə maşınında oturub, tapança isə yaxınlıqda olub. Ölümündən əvvəl yaxınlarına maddi çətinliklər üzündən depressiyada olduğunu deməsinə və vida mesajı göndərməsinə baxmayaraq, hüquq-mühafizə orqanları qəsdən adam öldürmə maddəsi ilə cinayət işi açıb.
Əli Babayev
Bütün xəbərlər Facebook səhifəmizdə
.jpg "“Qarabağ” NƏYİ BACARDI?")
.jpg "Qatarlar Ermənistana gedir - Sarkisyan \"bunt\" qaldırdı")
.jpg)
USD
EUR
GBP
RUB