...Prezident Donald Tramp bəyan edib ki, Demokrat Sosialist Zöhran Məmdaninin Nyu-York şəhər meri seçkilərində qələbəsi ABŞ-ın suverenliyinin bir hissəsinin itirilməsi deməkdir.
SİA-nın məlumatına görə, Floridada keçirilən biznes forumunda çıxış edən Tramp ötən ilki prezident seçkilərindəki qələbəsini ABŞ tarixindəki ən vacib qələbələrdən biri adlandırıb.
O bildirib ki, 5 noyabr 2024-cü ildə Amerika xalqı "hakimiyyətini geri alıb" və "suverenliyini" bərpa edib.
O, həmçinin qeyd edib ki, Məmdaninin Nyu-York şəhər meri seçkilərindəki qələbəsi suverenliyin qismən itirilməsi ilə nəticələnib, lakin o, "bununla məşğul olacağına" söz verib.
...Nyu-Yorklular kommunist və quldur arasında seçim etməli idilər və onlar kommunist seçdilər. Biz bir az daha yaxşı namizədlər seçə bilərdik, - deyə Tramp bildirib.
O, həmçinin "min il geriyə baxmağa" və "kommunizmin işləmədiyini qəbul etməyə" çağırıb.
...Mən prezident olduğum müddətcə ABŞ heç bir şəkildə və ya formada kommunist ölkəsinə çevrilməyəcək. Biz bunu dayandıracağıq. Biz bu cəfəngiyatı dayandıracağıq, - deyə Amerika lideri bildirib.
Daha əvvəl Tramp, Zöhran Məmdani qalib gələcəyi təqdirdə Nyu-York şəhərinin federal maliyyələşdirilməsinin böyük hissəsini kəsəcəyi ilə hədələmişdi.
Qeyd edək ki, 4 noyabrda 34 yaşlı Məmdani Nyu-York şəhər meri seçkilərində səslərin 50 faizdən çoxunu toplayaraq qalib gəldi. Onun seçki platforması şəhərin varlılarına vergiləri artıracağına söz vermiş və İsrailin Fələstinə qarşı hərəkətlərini kəskin tənqid etmişdi.
Əli Babayev
Bütün xəbərlər Facebook səhifəmizdə
.jpg "Qatarlar Ermənistana gedir - Sarkisyan \"bunt\" qaldırdı")
.png "Bakıda “Fərqliliyin rəngi” adlı festival keçirilib")
USD
EUR
GBP
RUB
