...Tayland və Kamboca Kuala Lumpurda keçirilən ASEAN sammiti çərçivəsində rəsmi olaraq sülh bəyannaməsi imzalayıblar.
Ölkələr arasında silahlı münaqişəyə son qoyan razılaşma ABŞ prezidenti Donald Trampın vasitəçiliyi ilə əldə edilib.
SİA xəbər verir ki, bu barədə RBC-Ukrayna müqavilənin imzalanmasının videosuna istinadən məlumat yayıb.
...Tayland və Kamboca liderləri 2025-ci ilin may ayından bəri davam edən münaqişənin həllinə yönəlmiş münasibətlər haqqında bəyannamə imzalayıblar.
İmzalanma Kuala Lumpurda keçirilən Cənub-Şərqi Asiya Dövlətləri Assosiasiyasının (ASEAN) sammiti çərçivəsində baş tutub.
Mərasimə xüsusi olaraq bu münasibətlə Malayziyaya səfər edən ABŞ prezidenti Donald Tramp da qatılıb.
O, əvvəllər iki ölkə arasında vasitəçi kimi çıxış etmiş və atəşkəs razılaşmasının əldə olunmasına kömək etmişdi.
CNA Trampla birlikdə iyul ayında Tayland və Kamboca qoşunları arasında münaqişənin gərginliyinin azaldılmasına kömək edən Malayziyanın Baş naziri Ənvər İbrahim də imzalanma mərasimində iştirak edib.
İmzalanma mərasimi Kraliça Ana Sirikit-in vəfatı səbəbindən Tayland Baş naziri Anuthin Chanvirakunun xahişi ilə təxirə salınıb.
İmzalanmadan sonra Kambocanın Baş naziri Khun Manet ölkəsinin Donald Trampı Nobel Sülh Mükafatına namizəd göstərəcəyini açıqladı.
Kuala Lumpura gəlişi ərəfəsində Tramp sosial media hesabı Truth Social-da yazıb: “Kamboca və Tayland arasında qürurla vasitəçilik etdiyim Böyük Sülh Sazişini imzalamaq üçün Malayziyaya gedirəm. Təəssüf ki, Taylandın Kraliça Anası bu yaxınlarda vəfat etdi. Tayland xalqına başsağlığı verirəm. Biz çatanda onların gözəl baş naziri ilə görüşəcəyəm”.
...Saziş, iki ölkə arasında ortaq sərhəddə aylarla davam edən silahlı qarşıdurmadan sonra münasibətlərin sabitləşməsi istiqamətində atılan ilk rəsmi addım oldu.
Əli Babayev
Bütün xəbərlər Facebook səhifəmizdə
.jpg "Mehdiyev kimlərin VƏZİFƏSİNƏ SON QOYUB? - DƏHŞƏTLİ FAKTLAR!")
.jpg "TƏCİLİ! Bütün Hava Limanları Bağlanır! - Rusiya hərəkətə keçdi!")
USD
EUR
GBP
RUB