...Rusiya Ukraynaya qarşı müharibə üçün əsas maliyyə mənbəyi olan neft sənayesinə artan təzyiqlə üzləşir. İqtisadi sanksiyalar və Ukraynanın neft infrastrukturuna hücumları getdikcə Putin rejiminin sabitliyini pozur.
SİA-nın əldə etdiyi məlumata görə, bu barədə National Security Journal yazır.
Qərb analitiklərinin fikrincə, Ukrayna ABŞ kəşfiyyatının dəstəyi ilə Rusiyanın neft emalı gücünün 38 faizə qədərini sıradan çıxarıb.
Bu, Moskvanı seçim etməyə məcbur edir: müharibəni maliyyələşdirməyə davam etmək və ya ölkə daxilində sosial və iqtisadi sabitliyi qorumaq.
...Nə qədər ki, Putin neft ixrac edə bilsə, müharibə bitməyəcək.
Ukraynalı ekspertlərdən biri qeyd edib bunu.
Ancaq Kremlin gücünün məhz bu mənbəyi indi onun zəif tərəfinə çevrilir.
Böyük Britaniya bu yaxınlarda Rusiyanın ən böyük neft şirkətlərinə və məhdudiyyətlərə məhəl qoymayaraq neft daşıyan tankerlərdən ibarət “kölgə donanmasına” qarşı yeni 90 sanksiya paketi elan edib.
Rusiyadan xam neft alan Hindistan və Çin neftayırma zavodları da sanksiyalara məruz qalır. (...amma Hindistan Rusiya neftindən demək olar ki, tamamilə imtina edəcəyinə söz verdi..?-A.B.)
...“Foreign Affairs”in qeyd etdiyi kimi, Rusiyanın maliyyəsi “qırmızı rəngdə yanıb-sönür” - 2025-ci ilin birinci yarısında büdcə gəlirləri 17 faiz azalıb və büdcədə neftin proqnozlaşdırılan qiyməti bir barel üçün 59 dollara endirilib. Analitiklər İkinci Dünya Müharibəsi ilə paralellər aparırlar. Müttəfiqlərin Üçüncü Reyxin neft emalı zavodlarına endirdiyi zərbələr alman ordusunu şikəst etdiyi kimi, bu gün də Ukraynanın pilotsuz təyyarələri və təxribat qrupları Rusiyanın “yanacaq arteriyasını” tədricən tükəndirir.
...RAND eksperti Maykl Bonnertin fikrincə, “etibarlı yanacaq tədarükü olmadan Rusiya ordusu öz hərəkətliliyini itirəcək, ukraynalıların isə tədricən qələbə qazanmaq şansı olacaq”. “Rus ayısını yavaş-yavaş, lakin şübhəsiz ki, acından öldürürlər”, - deyə o, yekunlaşdırıb.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB
