...Beynəlxalq Enerji Agentliyinin ekspertlərinin fikrincə, Rusiya neft şirkətləri təxminən bir il ərzində neftayırma zavodlarına pilotsuz təyyarələrin zərbələrinin təsirini hiss edəcəklər. Avqustun əvvəlindən ölkədəki hər üç neft emalı zavodundan biri dronların zərbələri nəticəsində zədələnib.
SİA xəbər verir ki, BEA-nın proqnozuna görə, neft şirkətləri 2026-cı ilin iyun ayına qədər neftin əvvəlki səviyyələrdə emalına davam edə bilməyəcəklər.
Agentliyin hesablamalarına görə, Rusiyada 20-dən çox əsas neftayırma zavodunu vuran dron zərbələrindən sonra neft emalının həcmi təxminən 10 faiz azalaraq gündə 5 milyon barrelə düşüb.
Bu, ilkin olaraq Uzaq Şərq və Krımda qeydə alınan və oktyabr ayına qədər Rusiya Federasiyasının 57 bölgəsinə yayılan benzin təchizatında fasilələrə səbəb oldu.
Bloomberg BEA-nın hesabatından sitat gətirir: "Biz əvvəlcə neft emalı həcmlərinin ilin sonuna kimi normallaşacağına inanırdıq, lakin indi daha ehtiyatlı hesablamalar qəbul edirik". Agentliyin ekspertlərinin fikrincə, “Rusiya neftayırma zavodlarına və infrastrukturuna qarşı getdikcə genişmiqyaslı və əhəmiyyətli Ukrayna pilotsuz təyyarələri kampaniyası” neft şirkətlərini sutkada 500 min barel neft emalı gücündən məhrum edib.
Onlar 2026-cı ilin ikinci yarısında emal həcminin yalnız gündə 5,4 milyon barelə qədər artacağını proqnozlaşdırırlar. Yanacaq bazarındakı yanğını söndürmək üçün hakimiyyət Rusiyadan benzin ixracına tam qadağa qoyub, neftayırma zavodları üçün ekoloji tələbləri yumşaldıb, Belarusdan yanacaq alışını dörd dəfə artırıb və Çin, Cənubi Koreya və Sinqapurdan daşınmalara icazə vermək üçün idxal rüsumlarını ləğv edib.
Tələb və təklif balansı ilə tanış olan “Kommersant” mənbəsinə görə, sentyabrda daxili bazarda benzin çatışmazlığı istehlakın 20 faizinə çatıb.
Təchizat qıtlığı səbəbindən ilin əvvəlindən benzinin topdansatış qiymətləri 40-50 faiz artaraq tarixi zirvələrə çatıb. Pərakəndə satış qiymətləri də kəskin artmağa başlayıb. Sentyabr ayında yanacaqdoldurma məntəqələrində orta qiymətlər, Rosstat-a görə, 2,48 faiz artıb - 2018-ci ildən bəri ən yüksək göstərici - illik artım isə 12,73 faizə çatıb ki, bu da son 14 ilin ən yüksək göstəricisidir.
Əli Babayev
Bütün xəbərlər Facebook səhifəmizdə
USD
EUR
GBP
RUB
