...Rusiya prezidenti Vladimir Putin Şimal-Qərb Federal Dairəsindəki səlahiyyətli nümayəndəsi Aleksandr Qutsanı baş prokuror təyin etməyi təklif edib.
SİA-nın məlumatına görə, bu barədə senator Andrey Klişas bildirib.
O, təklifin Federasiya Şurasına daxil olduğuna aydınlıq gətirib.
Namizədlik sentyabrın 23-də ilkin müzakirəyə çıxarılacaq, bundan sonra Konstitusiya qanunvericiliyi və dövlət quruculuğu komitəsi sentyabrın 24-də keçiriləcək iclasda məsləhətləşmələr təklif edəcək.
Avqustun sonunda RBC mənbələri Putinin baş prokuror vəzifəsinə 65 yaşlı Qutsanın namizədliyini irəli sürəcəyini bildirmişdi. O, prezidentin sinif yoldaşı İrina Podnosovanın ölümündən sonra Rusiya Ali Məhkəməsinə rəhbərlik edəcək İqor Krasnovu əvəz edəcək.
Qutsan özü də Jdanov adına Leninqrad Dövlət Universitetinin (indiki Sankt-Peterburq Dövlət Universiteti-A.B.) hüquq fakültəsində Təhlükəsizlik Şurası rəhbərinin müavini Dmitri Medvedev və ədliyyə naziri Konstantin Çuyçenko ilə birgə təhsil alıb.
Sinif rəhbəri, komsomol təşkilatçısı idi. 2007-2018-ci illərdə Qutsan Yuri Çaykanın yanında baş prokurorun müavini vəzifəsində çalışıb.
O, dövlət ittihamçısı kimi istefada olan 1-ci dərəcəli kapitan Aleksandr Nikitinin dövlətə xəyanətlə bağlı məhkəməsində iştirak edib.
Nikitin tamamilə bəraət aldı. 2016-cı ildə Qutsanın tələbi ilə hazırda Domodedovo hava limanının keçmiş sahibi olan Dmitri Kamenşçiklə bağlı cinayət işi bağlanıb.
O, 2011-ci ildə 37 nəfərin ölümü ilə nəticələnən terror aktına səbəb olan təhlükəsizlik tədbirlərinə əməl etməməkdə ittiham edilib.
Qutsan Rusiya Federasiyasının birinci dərəcəli dövlət müşaviridir. Bu, ordu generalı və ya donanma admiralı hərbi rütbəsinə bərabər olan dövlət qulluğunda ən yüksək rütbədir. Qutsan Təhlükəsizlik Şurasının və Dövlət Şurasının üzvüdür, Rusiyanın əməkdar hüquqşünasıdır, mükafatları sırasında “Şərəf” və “Dostluq” ordenləri alıb.
Əli Babayev
Bütün xəbərlər Facebook səhifəmizdə
USD
EUR
GBP
RUB