Dünyanın ən böyük aysberqi alimlərin gözü qarşısında dağılmağa başlayıb. A23a-dan nəhəng bir buz parçası qopdu. Dağıntı davam edir. Aysberqlər arasında titan bir az da kiçildi - onun sahəsi 20 faiz qədər azaldı.
SİA xarici qaynaqlara istinadən xəbər verir ki, son həftələrdə A23a-dan dörd parça qopdu: bu yeni aysberqlərin ümumi sahəsi 800 km²-dən çoxdur.
...A23a aysberqi yenidən böyük bir parçanı itirdi və demək olar ki, beşdə bir azaldı. İndi onun sahəsi təxminən 1423 kvadrat kilometrdir və o, hələ də ölçüsünə görə rekordçu olaraq qalır, - Arktika və Antarktika Tədqiqat İnstitutunun (AARI) mətbuat xidməti bildirir.
Buz nəhəngi Cənubi Corciya adasından təxminən 130 kilometr şimalda üzür və görünür, küləyin və cərəyanların hücumu altında tədricən dağılaraq şimala doğru irəliləməyə davam edəcək.
Qırılan hissələr müstəqil aysberqlər kimi həyatlarını davam etdirirlər və həm də sərbəst şəkildə sürüklənirlər.
Dağıntının miqyasına baxmayaraq, bu iri buz təbəqələri gəmilər üçün problem yaratmır: onlar aydın görünür və radar tərəfindən asanlıqla aşkar edilir.
Və onların əriməsi okean səviyyəsində praktiki olaraq hiss olunmur - proses çox yavaş gedir və suyun yenidən paylanması üçün vaxtı var.
Əli Babayev
Bütün xəbərlər Facebook səhifəmizdə
USD
EUR
GBP
RUB