Avropa liderləri Rusiyanın Ukraynaya qarşı yeni hücuma hazırlaşmasından narahatlıq ifadə edirlər, onlar bunu prezident Vladimir Zelenski ilə təhlükəsizlik təminatlarını müzakirə edərkən bildiriblər.
SİA xəbər verir ki, bu barədə Bloomberg məlumat yayıb.
Ötən həftə Tulonda keçirilən təhlükəsizlik şurasının iclasında Almaniya və Fransa rəsmiləri Donetsk vilayətində Pokrovsk yaxınlığında rus qoşunlarının artırılmasını müzakirə ediblər. Mənbələrin məlumatına görə, Rusiya ora böyük qüvvələr yerləşdirib.
Pokrovsk yaxınlığında vəziyyət
Zelenski cümə günü bildirib ki, Rusiya şəhər yaxınlığındakı cəbhə xəttində 100 minə yaxın hərbçi toplayıb. Kreml bir ildən artıqdır ki, Pokrovski mühasirəyə almağa və ələ keçirməyə çalışsa da, nəticəsi olmayıb.
Şəhərin tutulması Rusiyanın Kramatorsk və Slavyanska hücumuna yol açacaqdı. Moskva bütün Donetsk vilayətinə nəzarəti ələ keçirməyə çalışır.
Parisdəki görüş və ABŞ-ın rolu...
Parisdə həlledici qüvvələrin qondarma koalisiyasının görüşü keçiriləcək və burada müharibədən sonra Ukrayna üçün təhlükəsizlik təminatlarının müzakirəsini yekunlaşdırmaq planlaşdırılır.
Liderlər Donald Trampla da danışmaq niyyətindədirlər. Avropalılar ABŞ-ın öhdəliklərini aydınlaşdırmağa və Vaşinqtondan Rusiyaya qarşı sanksiyaları gücləndirməyə ümid edirlər.
Fransa göstərmək istəyir ki, Avropa üzərinə düşəni edib və indi növbə Amerika prezidentinə çatıb.
Avropa liderlərinin mövqeyi...
Fransa prezidenti Emmanuel Makron Parisdə Zelenskiyə deyib ki, Avropa Kiyevə təhlükəsizlik zəmanəti verməyə hazırdır. Hollandiya və Polşanın baş nazirlərinin də, Britaniya, İtaliya və Almaniya liderlərinin isə videobağlantı vasitəsilə qatılacağı gözlənilir.
Trampın Putinlə Alyaskada görüşü də daxil olmaqla müharibənin dayandırılması üçün səylərinə baxmayaraq, Moskva atəşkəsə razılıq verməyə hazır olmadığını nümayiş etdirdi.
ABŞ prezidenti sanksiyalarla hədələsə də, hələ də tətbiq etməyib.
Avropada fikir ayrılıqları...
Avropalılar Ukrayna üçün mümkün təhlükəsizlik təminatlarını, o cümlədən döyüşlər bitdikdən sonra əsgərlərin göndərilməsi variantını müzakirə edirlər.
Bu, müttəfiqlər arasında mübahisəli məsələ olaraq qalır və Rusiya tərəfindən qəti şəkildə rədd edilir. Tramp ABŞ qoşunlarının göndərilməsini istisna etsə də, hava və kəşfiyyat dəstəyinə icazə verib.
ABŞ-ın NATO-dakı səfiri Metyu Uitaker deyib ki, Ukrayna təhlükəsizlik arxitekturasına razı olmalıdır, lakin Rusiya da “rahat olmalıdır”.
NATO və danışıqlar prosesi...
NATO-nun baş katibi Mark Rutte bildirib ki, Avropa məsləhətləşmələri başa çatdıqdan sonra ABŞ-la daha fəal əlaqə qurmaq mümkün olacaq.
O vurğulayıb ki, Putin və Zelenski arasında hər hansı görüşdən əvvəl zəmanətlərə aydınlıq gətirilməlidir. Bununla belə, diplomatik səylər dalana dirənib.
Mənbələr qeyd edir ki, avqustun əvvəlində aktivlik artdıqdan sonra danışıqlar dalana dirənib, Rusiya isə yeni hücumlara hazırlaşır.
Müharibənin gedişi və itkilər...
Rusiyanın yorucu yay hücumu indiyədək Kremlə əhəmiyyətli ərazi uğurları gətirə bilməyib. Moskva qoşunları yavaş-yavaş irəliləyərək, may-avqust aylarında 2033 kvadrat kilometr ərazini ələ keçirdilər ki, bu da Ukraynanın ümumi ərazisinin 0,3 faizini təşkil edir.
Eyni zamanda, Rusiya hava hücumlarını gücləndirib. BMT-nin məlumatına görə, iyul 2022-ci ilin may ayından bəri Ukrayna vətəndaşları üçün ən ölümcül ay olub, 589 nəfər ölüb, 1152 nəfər yaralanıb. Avqustun 28-də Kiyevə hücum zamanı azı 25 nəfər həlak olub.
Ukrayna ordusuna dəstək...
Müharibə davam edərkən, Zelenski və müttəfiqləri Ukrayna silahlı qüvvələrini gücləndirməyə çalışırlar. Kansler Fridrix Merz "bu, verə biləcəyimiz ən vacib təhlükəsizlik zəmanətidir" deyib.
O qeyd edib ki, xarici qoşunların yeridilməsi məsələsi yalnız atəşkəsdən sonra müzakirə oluna bilər. Merz vurğulayıb ki, Ukrayna ordusunun gücləndirilməsi Rusiya ilə istənilən danışıqlara paralel olaraq davam etdirilməlidir.
...Ukrayna uzunmüddətli perspektivdə özünü müdafiə edə bilməlidir və biz bu işdə ona həm indi, həm də gələcəkdə kömək etmək istəyirik, - Almaniya kansleri bildirib.
Merz həmçinin bildirib ki, Rusiyanın öz müharibə iqtisadiyyatını artıq dəstəkləyə bilməyəcəyini təmin etmək lazımdır.
...Bu kontekstdə mən iqtisadi tükənmədən danışıram ki, biz bunu asanlaşdırmalıyıq, - Merz bildirib.
O, Putini hərbi cinayətkar adlandırıb.
...Putin, bəlkə də zəmanəmizin ən ciddi hərbi cinayətkarıdır, indi geniş miqyasda bunu görürük.
Bunu deyən Merzin sözlərinə görə, Putin Ukrayna ilə atəşkəs və ya sülh razılaşması əldə etmək üçün heç bir səbəb görmür. ...Mənim Putinə güvənmək üçün heç bir səbəbim yoxdur,- deyə o əlavə edib.
Əli Babayev
Bütün xəbərlər Facebook səhifəmizdə
USD
EUR
GBP
RUB
