İndoneziyanın Yava adasının şərqində yerləşən Semeru vulkanında iki püskürmə baş verib. SİA xarici KİV-ə istinadən xəbər verir ki, "Antara News"un məlumatına görə, Semeru vulkanının müşahidə bürosunun rəsmiləri vulkanın eyni gündə iki dəfə püskürdüyünü bildiriblər.
Səlahiyyətlilər, yerli vaxtla səhər saat 5:01-də baş verən püskürmənin təxminən 140 saniyə davam etdiyini, lakin vizual olaraq qeydə alınmadığını bildirib. İlkin püskürmədən sonra yerli vaxtla səhər saat 9:28-də 145 saniyə davam edən növbəti püskürmə baş verib. Rəsmilər dağdan püskürən külün təxminən 500 metr yüksəkliyə qalxdığını və cənub-qərbə doğru irəlilədiyini bildirib. Səlahiyyətlilər Semeru vulkanının "Xəbərdarlıq 2" səviyyəsində qaldığını və zirvədən 8 kilometr uzaqlıqdakı Besuk Kobokan bölgəsinin cənub-şərq hissəsində bütün fəaliyyətlərin qadağan edildiyini bildirib.
"Sakit Okean Atəş Halqası" zəlzələ və vulkanik zonada yerləşən İndoneziyada təxminən 130 aktiv vulkan var.
Bütün xəbərlər Facebook səhifəmizdə
USD
EUR
GBP
RUB
