Rusiyanın işğalçı qoşunları Donetsk vilayətinin Dobropolye istiqamətində uğursuzluqdan sonra diqqətlərini Pokrovsk və Mirnoqrad rayonunda yerləşən Ukrayna qarnizonunun təminat yollarını kəsməyə yönəldiblər. SİA xəbər verir ki, bunu ukraynalı hərbi ekspert Vladislav Seleznyov deyib. Onun sözlərinə görə, ruslar həmin istiqamətdə çox böyük həcmdə resurslardan istifadə edirlər: "Son bir neçə ay ərzində ən çox döyüş toqquşmaları, adətən, məhz Pokrovsk–Mirnoqrad istiqamətində baş verir. Düşmən Ukrayna qüvvə və vasitələrinin tam şəkildə operativ mühasirəsini həyata keçirməyə çalışır. Bu məqsədlə Ukraynanın öz müdafiəçilərinə lazım olan hər şeyi çatdırdığı, mülki əhalini həmin yaşayış məntəqələrindən təxliyə etdiyi və yaralı hərbçiləri çıxardığı yolları atəş nəzarətinə götürmək istəyir. Ona görə də vəziyyət həmin istiqamətdə, həqiqətən də, kifayət qədər mürəkkəb olaraq qalır". Seleznyov qeyd edib ki, Pokrovsk yaxınlığında Rusiya qüvvələri vaxtilə Baxmut istiqamətində reallaşdırdıqları ssenarini yenidən işə salıblar. Orada da düşmən əsas magistralları ələ keçirməyə çalışırdı.
Bütün xəbərlər Facebook səhifəmizdə
USD
EUR
GBP
RUB