Türkiyə İsraillə bütün ticarət və iqtisadi əlaqələri kəsmək qərarına gəlib. Ankara limanlarını İsrail gəmiləri, hava məkanını isə təyyarələr üçün bağlayıb.
SİA-nın məlumatına görə, “Anadolu” xəbər verir ki, bunu Türkiyənin xarici işlər naziri Hakan Fidan bildirib.
Fidan qeyd edib ki, bu addımlar İsrailin Qəzza zolağındakı hərəkətlərinə, həmçinin Suriya, Yəmən və Livana zərbələrə cavabdır.
Onun sözlərinə görə, Türkiyə İsraillə bütün ticarəti dayandırıb, hava məkanını İsrail təyyarələri üçün bağlayıb və türk gəmilərinin İsrail limanlarına daxil olmasına icazə vermir.
İsrail üçün silah və sursat daşıyan konteyner gəmiləri üçün Türkiyə limanları da qadağandır.
...52 ölkənin iştirakı ilə biz BMT-də İsrailin döyüş maşınını qidalandıran silah və sursatların tədarükünü dayandırmağa çağıran böyük beynəlxalq təşəbbüs irəli sürdük, - deyə nazir bildirib.
Türkiyənin xarici işlər naziri İsrail hökumətini “irqçi” və Qəzzada HƏMAS-a qarşı hərbi əməliyyatı “soyqırım” adlandırıb.
Fidan həmçinin İsraili Qolan təpələrinin işğalını genişləndirməkdə və Suriya ərazisinə hücumlarda, o cümlədən Dəməşqə zərbələr endirməkdə ittiham edib.
Əli Babayev
Bütün xəbərlər Facebook səhifəmizdə
USD
EUR
GBP
RUB