ABŞ Prezidenti Donald Tramp bu gün Rusiyada keçiriləcək görüşdən sonra Rusiya neftindən istifadə edən ölkələrə əlavə tariflər tətbiq edib-etməyəcəyini nəzərdən keçirəcək. SİA-nın məlumatına görə, bu barədə o, jurnalistlərə açıqlamasında deyib.
“Rusiya ilə görüşümüz var. Nə baş verdiyini görəcəyik. Qərarı da o zaman verəcəyik”, - deyə ABŞ Prezidenti bildirib.
Qeyd edək ki, Trampın xüsusi elçisi Stiv Vitkofın bu gün Rusiyaya səfəri nəzərdə tutulub.
Tramp daha əvvəl Rusiyadan neft alan ölkələrə rüsumla yanaşı ikinci dərəcəli tarif tətbiq edəcəyini bildirib. Bu isə Çindən və Hindistandan idxal olunan mallar üçün vergilərin məbləğini kəskin şəkildə artıra bilər.
Bütün xəbərlər Facebook səhifəmizdə
USD
EUR
GBP
RUB