...Marsel inzibati məhkəməsi polisin müsəlman çimərlik paltarı geydiyinə görə yeniyetmə və valideynlərini cərimələməklə hədələməsindən sonra burkinidə çimmək qadağanını ləğv edib.
SİA-nın məlumatına görə, bu barədə “Arab News” yazır. Deməli, 2024-cü ilin iyununda Carry-le-Rouet şəhərində burkiniyə qadağa qoyuldu.
O zaman bu cür geyimləri geyinmək məhkəmə tərəfindən “fundamental azadlıqların ciddi şəkildə pozulması” kimi təsnif edildi.
...İyulun 2-də 18 yaşlı müsəlman qız tam bədənli çimərlik paltarında çimərliyə gedib. İki məmur onu dənizdə görüb və qızın çıxması üçün fit çalmağa başlayıblar.
Qızın valideynləri onun nə səhv etdiyini soruşduqda, polis onun geyiminin çimərliyə uyğun olmadığını bildirib.
Daha sonra əlavə olaraq gələn beş polis əməkdaşı ailəyə izah edib ki, qız bu cür paltarda çimərlikdə qalmağa davam edərsə, cərimələnəcək.
İstirahət edən Müsəlman ailə çimərliyi tərk etmək məcburiyyətində qalıb.
...Və hadisə ilə bağlı məlumat İnsan Haqları Liqası hüquq müdafiə təşkilatına çatıb və bu təşkilat burkini qadağasının ləğvi üçün məhkəməyə müraciət edib və davanı qazanıb.
...On ildir ki, Fransa Rivierasının bir çox şəhərlərində səlahiyyətlilər dünyəviliyi əsas gətirərək qadınların burkinidə üzməsini qadağan etməyə çalışsalar da, bu cəhdlər demək olar ki, həmişə uğursuzluqla nəticələnir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB