Yaxın Şərqdə insanlar yalan xəbərlərə görə ölə bilməzlər.
SİA yerli mənbələrə istinadən xəbər verir ki, bunu Roma Katolik Kilsəsinin rəhbəri Papa XIV Leo deyib.
“Ukrayna, Qəzzadakı faciəli və qeyri-insani vəziyyət, müharibənin yayılması ilə viran qalan Yaxın Şərq barədə düşünəndə ürək ağrıyır. Biz hamımız - bəşəriyyət bu münaqişələrin səbəblərini qiymətləndirməyə, həqiqi olanları yoxlamağa və onlara qalib gəlməyə, emosional simulyasiyaların, ritorikanın bəhrəsi olan saxta olanları isə rədd etməyə və qətiyyətlə onları ifşa etməyə çalışmalıyıq. İnsan əsrlər boyu müharibə hərəkətlərinin sülh gətirdiyinə və onları aparanlara əks nəticə verməyəcəyinə necə inana bilər? Birlik olmadan, ümumi rifahın canlandırdığı baxış olmadan sabahın təməllərini atmağı necə düşünmək olar? Üstünlüyün nifrət və intiqamı qızışdırmaqdan savayı problemləri həll etdiyinə dair boş illüziya və yenidən silahlanmanın yalançı təbliğatı ilə xalqın sülh istəklərinə xəyanət etməyə necə davam etmək olar?”, - deyə Roma Papası qeyd edib.
Papa Leo vurğulayıb ki, insanlar ölüm tacirlərinin ciblərinə girən pullarla nə qədər xəstəxanalar və məktəblər tikilə biləcəyindən getdikcə daha çox xəbərsiz olurlar. Bunun əvəzinə isə artıq inşa olunmuşlar məhv edilir.
Bütün xəbərlər Facebook səhifəmizdə
USD
EUR
GBP
RUB