Almaniyanın müdafiə naziri Boris Pistorius bildirib ki, Almaniya silahlı qüvvələrini və canlı qüvvəsini gücləndirmək üçün NATO-nun yeni hədəflərinin bir hissəsi olaraq 60 minə qədər əlavə əsgərə ehtiyac duyacaq.
SİA-nın məlumatına görə, Reuters xəbər verir ki, bu bəyanat alyans ölkələrinin müdafiə nazirlərinin Brüsseldə keçirilən görüşü ərəfəsində verilib.
Yeni hədəflər Soyuq Müharibə bitdikdən sonra ilk dəfə olaraq NATO-nun gizli müdafiə planlarına əsaslanır. Sənədlər Alyansın Rusiyanın mümkün təcavüzünə cavab ssenarilərini təsvir edir.
Təhlil döyüşə hazır quru qoşunlarından tutmuş uzaq mənzilli silahlara, sursat ehtiyatlarına və təhlükəsiz rabitə sistemlərinə qədər bir sıra sahələrdə əhəmiyyətli çatışmazlıqlar olduğunu göstərib.
NATO-nun baş katibi Mark Rutte bildirib ki, müttəfiqlər təcili olaraq hava hücumundan müdafiə, uzaqmənzilli raketlər, mobil quru qüvvələri və komanda və idarəetmə sistemlərinə sərmayə qoymalıdırlar. Bu səylər böyük investisiyalar tələb edəcək. Almaniya üçün bu, Bundesver qoşunlarının sayının indiki 183 mindən 250-260 minə qədər artması deməkdir. Təkcə quru qoşunları təxminən 40.000 əsgərə bərabər olan yeddi əlavə briqada təmin etməli olacaq.
Bununla belə, Berlin işə qəbulla bağlı çətinliklərlə üzləşir: hətta 2018-ci ildə qarşıya qoyulan 203.000 əsgər hədəfinə hələ də nail olunmayıb.
Pistorius vurğulayıb ki, kazarma və təlimatçıların sayını artırmadan kütləvi hərbi xidmətə çağırış mümkün deyil və hələlik ordu könüllü xidmətə arxalanacaq.
Almaniya özünün müdafiə sahəsində islahatları kontekstində hərbi xərcləri ölkənin ÜDM-nin 5 faizinə qədər artırmaq üçün hökumət kreditləri üzrə məhdudiyyətləri yumşaldır.
Əli Babayev
Bütün xəbərlər Facebook səhifəmizdə
USD
EUR
GBP
RUB