ABŞ-ın Türkiyədəki səfiri, Suriya üzrə xüsusi nümayəndəsi Tom Barak bu ölkənin Prezidenti Əhməd əl-Şara ilə görüşüb. SİA xəbər verir ki, T.Barak bu barədə "X" sosial şəbəkəsindəki səhifəsində yazıb. Barak görüş zamanı qeyd edib ki, ABŞ-nin Suriyaya qarşı sanksiyalarının bu yaxınlarda ləğvi Vaşinqtonun regiondakı tərəfdaşlarına ölkəyə humanitar və maliyyə yardımı, eləcə də enerji resursları təqdim etməyə imkan verəcək. O vurğulayıb ki, ABŞ administrasiyası Suriya hakimiyyətindən İŞİD terror qruplaşması ilə mübarizəni davam etdirəcəyini gözləyir. “Mən, həmçinin ABŞ Prezidenti Donald Trampın xarici terrorçu döyüşçülər, İŞİD-ə qarşı mübarizə səyləri, İsraillə əlaqələr, Suriyanın şimal-şərqindəki düşərgələr və saxlama mərkəzləri ilə bağlı qaldırdığı məsələlərdə əhəmiyyətli addımlar atdığı üçün prezident əl-Şaraya təşəkkür etdim”, - Barak yazıb
Bütün xəbərlər Facebook səhifəmizdə
USD
EUR
GBP
RUB