Ukrayna və Çexiya F-16 qırıcı pilotlarının hazırlanması üçün birgə məktəb yaratmaq barədə razılığa gəliblər
Ukrayna və Çexiya F-16 qırıcı pilotlarının hazırlanması üçün birgə məktəb yaratmaq barədə razılığa gəliblər. Tərəfdaşlar artıq layihənin həyata keçirilməsi üzərində işləyirlər. SİA “RBK-Ukrayna”ya istinadla xəbər verir ki, bu barədə Ukrayna Prezidenti Volodimir Zelenski çexiyalı həmkarı Petr Pavellə keçirdiyi mətbuat konfransında bildirib.
Zelenskinin sözlərinə görə, mərmilərin tədarükü təşəbbüsündən əlavə, Ukrayna və Çexiya hava koalisiyası çərçivəsində sıx əməkdaşlıq edir. Bu əməkdaşlığın nəticəsi qırıcı pilotlar məktəbi olmalıdır.
“Bu gün Prezident Pavel və mən, eləcə də rəsmi şəxslər və hərbçilər səviyyəsində olan nümayəndələrimiz aviasiya koalisiyamızın inkişafı istiqamətində növbəti addımları, yəni Ukrayna - Çexiya F-16 məktəbinin yaradılmasını müzakirə edirik”, - deyə Ukrayna dövlətinin başçısı bildirib.
Eyni zamanda Zelenski əlavə edib ki, Ukrayna ərazisində müharibə şəraitində belə bir məktəb açmaq təhlükəsizlik baxımından mümkün deyil.
“Rusiyanın təhdidləri hər gün davam edir, ona görə də biz tərəfdaşlarla işləyirik ki, Ukraynadan kənarda belə məktəblər açılsın. Bu baş verəcək, biz Çexiyanın müvafiq qərarların həyata keçirilməsində bizimlə birlikdə olacağına razılaşdıq”, - deyə Zelenski vurğulayıb.
Xatırladaq ki, 2023-cü ildə Ukrayna və onun müttəfiqləri aviasiya koalisiyası yaradıblar ki, onun məqsədi F-16 döyüş təyyarələrini Ukraynaya ötürmək olub. Prezident Volodimir Zelenskinin sözlərinə görə, Ukraynanın ən azı 128 F-16 qırıcısına ehtiyacı var.
Bütün xəbərlər Facebook səhifəmizdə
USD
EUR
GBP
RUB