…Romada ABŞ və İran arasında nüvə sazişinin bərpası üzrə dolayı danışıqların ikinci raundu başlayıb.
SİA xarici qaynaqlara istinadən xəbər verir ki, bu barədə şənbə günü, aprelin 19-da IRNA agentliyi məlumat yayıb. Görüş Omanın İtaliyadakı səfirliyi tərəfindən təşkil olunub. Xatırladaq ki, belə danışıqların ilk raundu ötən şənbə Omanın paytaxtı Maskatda baş tutub.
Danışıqlarda İran xarici işlər nazirinin müavini Abbas Əraqçi və ABŞ-ın Yaxın Şərq üzrə xüsusi nümayəndəsi Stiv Uitkoff iştirak edir.
İran Xarici İşlər Nazirliyinin sözçüsü İsmail Bakainin sözlərinə görə, danışıqların formatı dəyişməz qalıb: tərəflər müxtəlif otaqlardadırlar və birbaşa təmasda deyillər.
Əsas müzakirə mövzuları İranın nüvə proqramı və Amerikanın Tehrana qarşı sanksiyalarının mümkün ləğvidir. …İran bildirib ki, ABŞ-la razılaşma "nəyin ciddiliyini nümayiş etdirsə və qeyri-real tələblər irəli sürməsə" mümkün olacaq. Tehran həmçinin ABŞ-dan Donald Trampın yeni nüvə sazişindən çıxmayacağına dair zəmanət tələb edir.
Bunu aprelin 18-də Reuters öz mənbələrinə istinadən yazıb.
Əli Babayev
Bütün xəbərlər Facebook səhifəmizdə
USD
EUR
GBP
RUB